موزیک

گەنجێکی کورد بەشداری پرۆگرامی "ئەرەب ئایدڵ"ـی کرد

"بێژەن جەزا" گۆرانیبێژی گەنجی کورد، لە بەرنامەی "ئەرەب ئایدڵ" کە ئەمشەو پێشکەشکرا بووە جێگەی سەرنجی لێژنەی بەرنامەکە.

ئەمشەو  یەکەم گۆرانی پێشکەشی ئەندامانی لێژنەی پرۆگرامەکە کرد، ئەوەیش دوای ئەوەی بێژەن توانیویەتی لەشاری ھەولێر بەشداری تاقیکردنەوەکانی قۆناخی یەکەم بکات و سەرکەوتن بەدەست بھێنێت، دواتر چووەتە بەیروت و لەپێش ئەندامانی لێژنە "وائیل کفوری، نانسی عەجرەم، ئەحلام، حەسەن شافعی" کە ئەمشەو بەرنامەکە پەخشکرا یەکێک لە مەقامەکانی ھونەرمەندی کورد "تایەر تۆفیق"ـی گوتووەتەوە و ھەر چوار دەنگی ئەندامانی لێژنەی بەدەستھێناوە.

 

 "ئەرەب ئایدڵ" یەکێکە لە بەرنامە بەناوبانگ و پڕ بینەرەکان کە لەکەناڵی"MBC" ئێستە وەرزی چوارەمی پێشکەش دەکرێت، لە وەرزەکانی پێشوو "پەرواز حوسێن و عەمار کوڤی" بەشدارییان کردووە.

چۆنه‌ به‌لاته‌وه‌؟