چۆنیەتی ئامادەکردنی "جگەری مریشکی سوورکراو بە قارچک"

پێداویستییەکان:

* یەک کیلۆ جگەری مریشک.

* نیو کیلۆ قارچک.

* سێ دەنک سیر.

* یەک پیازی وردکراو.

* یەک کەوچک بەھاراتی تێکەڵ.

* یەک کەوچک زیرە.

* یەک کەوچک خوێ.

* دوو کەوچک گیراوەی لیمۆ.

* یەک کەوچک زەنجەفیلی ھاڕاو.

* دوو کەوچک ڕۆنی زەیتوون.

چۆنیەتی ئامادەکردنی:

* ڕۆنەکە گەرمبکەن و سیر و پیازەکە لە ناو ڕۆن سووربکەنەوە.

* قارچکەکەی بۆ زیادبکەن و سووریبکەنەوە، پاشان جگەرەکانی بۆ زیادبکەن.

* دوای کەمێک سوور بوونەوە خوێ و بەھاراتەکانی بۆ زیاد بکەن و تێکەڵاوی بکەن بەباشی سووریبکەنەوە.